ಏಕೆ ಏಕೆ ಏಕೆ? ಮಕ್ಕಳ ವಿಜ್ಞಾನ ಕವನ | Jnana Kirana

ಏಕೆ ಏಕೆ ಏಕೆ

ಪುಟ್ಟಿಯ ತಲೆಯಲ್ಲಿ ಪ್ರಶ್ನೆಗಳೇಕೆ?

ನಾಯಿ ಬಾಲವು ಡೊಂಕದು ಏಕೆ

ಆನೆಯ ಕಿವಿಗಳು ಅಗಲವದೇಕೆ

ಒಂಟೆಗೆ ಉದ್ದನೆ ಕತ್ತದು ಏಕೆ?

ಆಮೆಯ ಮೈಯಲ್ಲಿ ಚಿಪ್ಪದು ಏಕೆ?

ಮೀನು ನೀರಲ್ಲಿ ಇರುವುದು ಏಕೆ

ಇರುವೆ ಸಾಲಲ್ಲೇ ನಡೆಯುವುದು ಏಕೆ

ಕುದುರೆ ಬಾಲದಿ ಕೂದಲದೇಕ

ಹಾವಿಗೆ ಹಲ್ಲಲಿ ವಿಷವಿದೆ ಏಕೆ

ಕಡಲಿನ ನೀರು ಉಪ್ಪಿದೆ ಏಕೆ

ಹಾಲು ಉಕ್ಕುತ್ತಾ ಬರುತಿದೆ ಏಕೆ

ಔಷಧಿ ಬಲು ಕಹಿ ಕುಡಿಯುವುದೇಕೆ

ಕೆಸರಲಿ ಕಮಲ ಅರಳುವುದೇಕೆ

ಜಿಂಕೆಯ ಕೊಂಬು ಸೊಟ್ಟವದೇಕೆ

ಚಿರತೆಯ ಮೈಯಲ್ಲಿ ಪಟ್ಟೆಗಳೇಕೆ

ಕೋತಿಯ ವಾಸವು ಮರದಲ್ಲಿ ಏಕೆ

ಹಕ್ಕಿಯು ಬಾನಲ್ಲಿ ಹಾರುವುದೇಕೆ

ಚಂದ್ರನು ಇರುಳಲಿ ಬರುವನು ಏಕೆ

ಹಗಲಲ್ಲಿ ತಾರಗೆ ಕಾಣದು ಏಕೆ

ಮೋಡವು ಬಾನಲ್ಲಿ ತೇಲುವುದೇಕೆ

ಬೆಂಕಿಯ ಮುಟ್ಟಲು ಸುಡುವುದು ಏಕೆ

ಗುಲಾಬಿ ಗಿಡದಲಿ ಮುಳ್ಳದು ಏಕೆ

ನದಿಯು ವೇಗದಿ ಹರಿವುದು ಏಕೆ

ಬೆಟ್ಟವು ತೆಪ್ಪಗೆ ನಿಂತಿದೆ ಏಕೆ

ಕಾಲದ ಚಕ್ರವು ಉರುಳುವುದೇಕೆ

ಆಲಸಿಯಾಗಿ ಮನೆಯಲಿ ಉಳಿಯದೆ

ಶಾಲೆಗೆ ಪ್ರತಿದಿನ ನಡೆಯಮ್ಮ

ಓದಿ ಬರೆಯುತ ಜ್ಞಾನವ ಪಡೆದು

ಪ್ರಶ್ನೆಗೆ ಉತ್ತರ ತಿಳಿಯಮ್ಮ