ನವ ವಸಂತದ ತಂಗಾಳಿ
ಚಿಗುರು ಚಿಗುರಿನಲಿ ಮೈತಾಳಿ
ಹಚ್ಚಹಸಿರಿನ ಉಡುಪಿನಲಿ
ಬಂತದೊ ಚೈತ್ರ ಹುರುಪಿನಲಿ
ಭೂಮಿಗೆ ಕಳೆಯನು ನೀಡುತಲಿ
ಬೇವು ಬೆಲ್ಲವ ಸವಿಯುತಲಿ
ಮಾವಿನ ತೋರಣ ಬಾಗಿಲಲಿ
ರಂಗೋಲಿ ಸಿಂಗಾರ ಪರ್ವದಲಿ
ಪರಿಷೆಯ ಅಬ್ಬರ ಊರಿನಲಿ
ಸಡಗರ ಸಂಭ್ರಮ ಮನೆಗಳಲಿ
ತೇರನ್ನು ಎಳೆಯುವ ಬೀದಿಯಲಿ
ಮಿಂದೆವು ಭಕ್ತಿಯ ಹೊಳೆಯಲ್ಲಿ
ಆಟಿಕೆ ಅಂಗಡಿ ಸಾಲಿನಲಿ
ಕೊಂಡೆನು ಪೀಪಿಯ ಹರುಷದಲಿ
ಪೀಂ ಪೀಂ ಎನ್ನುವ ಸದ್ದಿನಲಿ
ಸೆಳೆದೆನು ಗಮನವ ಮುದ್ದಿನಲಿ
ಏರಿ ಕುಳಿತೆನು ರಾಟೆಯಲಿ
ತಿರುಗತೊಡಗಿತದು ಭರದಲ್ಲಿ
ತಲೆಯದು ಸುತ್ತಿತು ನಿಮಿಷದಲಿ
ಅರುಚತೊಡಗಿದೆನು ದಿಗಿಲಿನಲಿ
ರಾಟೆಯಿಂದ ಕೆಳಗಿಳಿಯುತಲಿ
ನಮಿಸಿದೆ ದೇವರ ಮನಸ್ಸಿನಲಿ
ಪ್ರಾಣವು ದಕ್ಕಿದ ಖುಷಿಯಲ್ಲಿ
ಓಡಿದೆ ಮನೆ ಕಡೆ ವೇಗದಲಿ
ಅರುಣಾ ರಾವ್
ಬೆಂಗಳೂರು