ಗಿರಗಿಟ್ಟಲೆ
ಸಂತೆಗೆ ಹೋದೆ ಸೋಮವಾರ
ಕಂಡನು ಆಗಲೆ ಮಾರಾಟಗಾರ
ಕೊಂಡೆನು ಆಗಲೆ ಗಿರಗಿಟ್ಟಲೆ
ಗಿರಗಿರ ತಿರುಗೊ ಗಿರಗಿಟ್ಟಲೆ.
ಹಸಿರು ಕೆಂಪು ನೀಲಿ ಹಳದಿ
ಕಪ್ಪು ಬಿಳುಪು ಕಿತ್ತಳೆ ನೇರಳೆ
ತರತರ ಬಣ್ಣದ ಗಿರಗಿಟ್ಟಲೆ
ಗಿರಗಿರ ತಿರುಗೊ ಗಿರಗಿಟ್ಟಲೆ.
ಕಟಕಟ ಗುಟ್ಟುತ ಗಮನವ ಸೆಳೆವ
ಗಾಲಿಯ ಹಾಗೆ ಸುತ್ತ ತಿರುಗುವ
ಆನಂದವ ನೀಡುವ ಗಿರಗಿಟ್ಟಲೆ
ಗಿರಗಿರ ತಿರುಗೊ ಗಿರಗಿಟ್ಟಲೆ.
ದುಡ್ಡದು ಕಡಿಮೆ ಖುಷಿಯೂ ಹೆಚ್ಚು
ಮಕ್ಕಳಿಗಂತಿದು ಅಚ್ಚು ಮೆಚ್ಚು
ಬಳಿಯಲ್ಲಿದ್ದರೆ ನಾನೇ ರಾಜನೆ
ಗಿರಗಿರ ತಿರುಗೊ ಗಿರಗಿಟ್ಟಲೆ.