ಪ್ರಕೃತಿ ನಿಯಮ: ಕಾಗೆ ಕೋಗಿಲೆ ಮಕ್ಕಳ ಕವನ | Jnana Kirana

ಪ್ರಕೃತಿ ನಿಯಮ

ಕಾಗೆಯೊಂದು ಒಲವಿನಿಂದ ಇಟ್ಟಿರಲು ತತ್ತಿಯ

ಪಿಕವಾಗ ಮೋಸದಿಂದ ತಂದಿಟ್ಟಿತು ಮೊಟ್ಟೆಯ

ಮುಗ್ಧ ಕಾಗೆ ಅನುದಿನವು ನೀಡುತಿರಲು ಶಾಖವ

ತತ್ತಿಯೊಡೆದುದನ್ನು ಕಂಡು ಪಡುತಿರಲು ಹರುಷವ

ಕಾಳು ಹೆಕ್ಕಿ ಕೊಕ್ಕಿನಲ್ಲಿ ನೀಡುತಿರಲು ಗುಟುಕದು

ರೆಕ್ಕೆಪುಕ್ಕ ಮೂಡಿ ಬಂದ ಮರಿಗಳೇನು ಚೆಲುವದು

ಕಾಕಾ ಎಂದು ಹೇಳೆ ಬಾಯಿ ತೆರೆದ ಮರಿಗಳು

ಮೂರು ಕಾಕ ಒಂದು ಕುಹೂ ದನಿ ಕೇಳಿ ಬೆಚ್ಚಲು

ಮೋಸವರಿತ ಕಾಗೆ ತಾನು ಪಿಕವ ಕುಕ್ಕಿತು

ರೆಕ್ಕೆ ಪುಕ್ಕ ಬಲಿತ ಪಿಕ ಆಗಸಕೆ ಹಾರಿತು

ಕಾಗೆ ತನ್ನ ಪೆದ್ದತನಕೆ ನೊಂದು ಕೊಂಡಿತು

ಸೃಷ್ಟಿ ನಿಯಮವನ್ನು ತಾನು ಅರಿತುಕೊಂಡಿತು