ಕರಿಯ ನನ್ನ ಆಪ್ತ ಗೆಳೆಯ
ಕಣ್ಣು ಏನು ಚುರುಕದು
ಬೊಗಳಲೆಂದು ಬಾಯಿ ತೆರೆಯೆ
ಮಿಂಚು ನಾಚಿ ನಿಲುವುದು
ಕರಿಯ ಪಾಪ ಕಾಲು ಚಾಚಿ
ಮಲಗಿಹನು ಸುಮ್ಮನೆ
ಯಾವುದನ್ನು ಕುರಿತು ಅವನು
ಮಾಡುತಿಹನು ಯೋಚನೆ
ಮಾಂಸ ಮುದ್ದೆ ಮೂಳೆ ರೊಟ್ಟಿ
ಅವನಗಿಷ್ಟ ತಿನ್ನಲು
ಬಾಲ ಅತ್ತ ಇತ್ತ ತೂಗಿ
ಖುಷಿಯ ಪಡುವ ಹಾಕಲು
ಅಪರಿಚಿತರ ಕಂಡರಂತೂ
ಬೊಗಳೊ ಬಾಯಿ ಮುಚ್ಚನು
ಕಳ್ಳ ಸುಳ್ಳ ದರೋಡೆಕೋರ
ಪತ್ತೆ ಹಚ್ಚೆ ಬಿಡುವನು
ಸ್ವಾಮಿ ನಿಷ್ಠೆ ಪ್ರೀತಿಗಳಲಿ
ಅವನಿಗವನೆ ಸಾಟಿಯು?
ಪ್ರಾಮಾಣಿಕತೆಗೆ ಇವನ ಹೆಸರು
ಇಟ್ಟರೇನು ತಪ್ಪದು?